To Guinée-Bissau, suɓngooji depiteeɓe e hooreeyaaku leydi ndii, ina tijjaa ñande 23 lewru 11ɓuru. Lannda PAIGC e kanndida maɓɓe Domingous Simoys Pereyra njaltinaama e ɗiin suɓngooji. Saabi ɗum ko ɓe leeli joƴƴinde ɗeeri maɓɓe tuugnaade e daawal sarɗiiji suɓngooji ɗii. Ko suudu ñaawirdu mawndu nduu ƴetti ngal pellital. Fedde politik PAIGC e kawtal maɓɓe PAI terra Ranka, denndingal fodde truelle joyi politik, fof kaɗaama jeyeede e suɓngooji ɗii. Ko ngol ɗoo laawol gadanol ko ndee fedde politik ina haɗee yahde suɓngo. Ngal pellital memii kadi hay kawtal goɗngal bi’eteengal API. Ko e ngal ɗoon kawtal fedde politik tataɓere ɓurnde mawnude (PRS) tawatee. Kawtal API yamiraa ko yo ittu maantorɗe yoga e truelle politik ɗe mbeldaani. E oo sahaa, ko kawtal hooreejo leydi ndii tan jaɓanaa kanndidagu mum. Umaro Sissoco Embaló fooɗantoo ko mannda mum ɗiɗabo.
Avènement link
