To Guinée, e ɗii dumunnaaji jawtuɗi, leegal Bonfi, ɗo woɗɗaani Conakry, wontii tufnde ɗannatooɓe e laaɗe ɗe ndewaani sariya ɗee. Gila e hitaande yawtunde ndee ko capanɗe e capanɗe sukaaɓe jeyaaɓe e oon nokku maayi e laawol yiɗde yahde Orop. Laana cakkitiika ummaade Bonfi faade Espaañ wonnoo ko e darorde lewru 11ɓuru nduu ɗoo. Teemede e ɓeen wonnooɓe e kaan laana, tawaama to Senegaal e to Gambie. Laana kaa wattindii juufde ko to Muritani. Yimɓe heewɓe jolnooɓe e makka keddiima e maayo ngoo. Koreeji maɓɓe nana hannde e sunaare e mette. Nultondiraaɗo O.K. to Gine, Mammadu Jonngasi BAH, yeewtidii e maɓɓe.
Avènement link
