Burkina Faso, ko seeditande ngu heewaa naneede men heɓi ɗoo. E nder ndii leydi warngooji wawuɗi hino jaalii ton. E nder ɗee balɗe paltiiɗe yimɓe ɓurɓe teemedere waraama Gayeeri, hedde fuɗnaange leydi ndii. E bi’ol oo seedee mo men heɓi ko konunkooɓe Burkina Faso saabi ɗee maayele. E faandu haala Frederik Gaaraa, oo neɗɗo mo suuɗi innde mun sifoke no koreeji makko waasiraa pittaali mum en. Heɗoɗen mo.
Saakitaama ñannde : 19/03/2024 – 18:51
1 mintj
Ko hedde yamnde 14, konunkooɓe ɓee ari ka gure soit. Ɓayti ɓe arii ka gure Fulɓe, ɓe tawaani ton hay gooto. Tawi ɓe fof ɓe dilli, ɓe dogii. Militeeriiɓe ɓe sunni cuuɗi maɓɓe ɗii.Menen, men heddii e nder cuuɗi soit, konunkooɓe ɓee ari yaltini men, ɓe darni men. Ado ɓe fellude, men towni juuɗe soit. Ɓe wi’i yo juuɗe ɗee tippine. Ɓe jippini juuɗe ɗee, ko ɗon ɓe felli ɓe. limoore yimɓe mayɓe ɓee hino timmi 150. Gaañii walla barmuɓe ɓee hino fawi e 40, sabu konunkooɓe ɓee naɓorno woɓɓe Gayeri.Caggal ɗun mi immii. Mi yehi mi ndaarii walla mi ƴeewi ka ɓe wari koreeji am ɗii. Ɓe warii Baaben am, neene am wonndude e jon suudu soit. Sukaaɓe waraama, rewɓe reeduuɓe walla sowiiɓe, mawɓe nayeeɓe, ɓee fow waraama. Jooni non, menen, men anndaa holko saabii ɗun? Neɗɗo waawaa faamude ɗun. Koo nii oo alhaali feƴƴiri.
