Senegaal Gardiiɗo jaagorɓe leydi ndi Ousmane Sonko jaɓɓaama hanki to suudu sardiyankooru. E kuccondiral maɓɓe e depiteeɓe ɓee o andini wonde hi mo jogii geɗal e nder hareeji bonɗi baɗnooɗi hakkunde etujanɓe ɓee e daɗiiɓe laamu ngu to duɗal jaaɓi haaɗtirde Cheikh Anta Diop mo Dakar, tawi ko etujanjo gooto maayi heen. Gardiiɗo jaagorɓe leydi ndi jaɓii wonde o yamiriino jaagorɗo nder leydi ndi yo ƴettu peeje ngam haɗde ko o noddirta pewje ɓeen jangooɓe seppanooɓe. E wiyde Ousmane Sonko, etujanɓe ɓee njiɗuno ko ñaamde ko aldaa e njoɓdi, e bonnude hoɗorɗe ɗee hade mum en sunude ɗe. E nder ngal kuccondiral makko e koolaaɓe suudu sarɗiiji hanki e talaata, gardiiɗo jaagorɓe leydi Senegaal hollitii kadi anniya mum darnude komisariya polis e nder duɗal jaaɓi haaɗtirde ngal. Faadiima Sy
Envoi link
