Sariya salaniima jaagorgal kalfinaangal geɗe leydi ndii tuuma ngal faawi e dow lannda SADI woni dawro mo lunndiiɗo Oumar Mariko. O lannda tuumano bonnitde dosɗe leydi ndii annayinooko fuseede. Hooreejo lannda SADI , Umaar Mariko wi’ii wonde ndee ñaawore ko maale wonde sariya leydi ndii ko to baŋŋe malinaaɓe o hetti.
Saakitaama ñannde : 20/05/2024 – 16:29
1 mintj
Oo lunndiiɗo mo lannda makko yiɗno fuseede anndinii ko hare ɓiɓɓe leydi ndii fooli e ndee ñawoore e te ma ɓe njokku hare maɓɓe, sabu faandaare makko ko yo demokarasi won ko wuura nder Mali.Siftinde e lewru 11ɓuru 2023, Umaar Mariko winndiino e mejaaji renndo e mo yerondira njanguuji konu mali tuuma ko, war-neɗɗanke, kono kadi o hollotiini mette makko e ko hare fuɗɗati hakkunde murtuɓe sifnooɓe nanondiral jam e nder 2015. Hooreejo lannda SADI winndiino ɓattake faade e hooreejo Turki. E ɗe ɓataake Umaar Mariko wi’ii yo Recep Tayyip Erdogan dartin ko yeyaata ko konu Mali “dronaaji” sabu ɗii mbari siwileeɓe heewɓe. O lannda ina jeya e laandaaji ɓurɗi teskeede nder Mali. E mo jeya samminɓe laamu konunkooɓe mo General moussa TRAORE e 1990. Oolel TALL
