RD.Konngo, ko hannde suɓngooji hooreeyaaku waɗata e nder ndii leydi. Ko wotooɓe miliyonji 43 woni ko suɓotoo hakkunde kandidaaɓe 19yo. No tawaa e maɓɓe, hooreejo leydi ndin Felix Tshisekedi wonndude e lunndiiɓe mo, no jeyaa e ɓen ko « Moise Katummbi », « Martin Fayulu » e Dr Denis Mukwege. Ko RD Konngo woni leydi ɗiɗaɓiri ɓurndi mawnude e nder Akrik. Waawugol naɓude aalaaji wootirɗi e nder mayri fow wonaa ko weeɓani guwerneman on. Ko holno ɗii suɓngooji laatorta no laaɓiri e nder leydi ndii fof ? Ngam taskagol ɗee wote, Ibrahiima Timmbi Bah no jaɓɓii Usmanu Magaji ballifotooɗo defte, taskotooɗo kabaaruuji. Heɗoɗen.
Usmaanu Magajii © RFI FULFULDE
