Donald Trump qirraama bonnuɗo e denndaangal tuume fawaaɗe e makko ɗen, no e majje yoɓugol debbo fijoowo e filmuuji X mo o bonidi e muuɗum. O yeeni mo kaalisi fii wota ɗum feeñu. Ɗum ko huunde nde sariya salii. Ko hikka go’o hooreejo Amerik no qirree bonnuɗo e suudu ñaawirdu jukkanɗe. Donald Trump jeyaaɗo e foolotirooɓe fii ardagol leydi ndin ñannde 5 lewru 11ɓuru. Ndee ñaawoore haɗataa mo wonugol kanndidaajo yeeso hooreejo leydi ndin Joe Bayden. Ceerno Modummba New York no artana en e ndee toɓɓere.
Saakitaama ñannde : 31/05/2024 – 16:28
