E ndee altinere hannde 20 lewru nduu ngonɗen, suudu ñawooru ngenaari mbondi woni CRIEF, porokireer nduu suudu lamndiima yo hooreejo jaagorɓe kiɗɗo Gine Kassory Fofana fawee duuɓi 5 kaso wonduude e millionji 5 kaalisi Gine. Oo jaagorɗo kiiɗɗo no rewiraa njiiɓu jawdi e suuɗgol kaalis laamu kono hoo ɗoo o meeɗaa yottaade suudu ñawirndu nduu ngam tiindondirde e ɓee ñawooɓe ɓe. Awokaaɓe makko kollitii o wona kaarɗo cellal, homo tawee e nder suudu safririndu e nder Konaakiri woni jooni hitaande e biol maɓɓe. Duuɓi tati hannde homo juuɗe, ñawoore ndee no faade ñannde 13 lewru faandu.
Mammadu Adama JALLO
Départ link
