Porokireerjo CPI nantinii e ɗee beete hannde wadde ɗamɓaande fawugol junngo dow hooreejo jaagorɓe Israel Benyamin Netanyahu e jaagorɗo makko kalfinaaɗo konu hono Yoav Gallant. Sabi ndee ɗaɓaande, ko porokireerjo oo no tuumi ɓe wadde warngooli war-neɗanke e nder Gaaza. Muusa Umaar Bari
Saakitaama ñannde : 20/05/2024 – 20:18
Caggal nde nduu talkuru nantinaa, ardiiɓe Israayel hewɓe cuuti konnguli, no e maɓɓe Benny Ganzt yiloowo Benyamin Netanyahu, e bi’ol makko ko nimsa mawɗo yiide leyɗe fof no kaɓo leydi ngootiri daraniindi heɓugol wellitaare hore mum Hamas to bannge maɓɓe, ɓe ndiwtii dendaangal tuume pawaaɗe e maɓɓe. E nder ɗum ɓe eeriima nde porokireejo firtata ndee ɗaɓaande nde waɗi faade e maɓɓe. Dawlaaji dentuɗi Amerik tawi ko e gardagol Antoni Blinken cuuti konngi ɗii, e biol makko suudu ñawirdu winndere CPI alaa hay sariya gooto e dow Israyel.
