Gila hanki, Ousmane Sonko, hooreejo jaagorɗe senegal no e njillu ngu balɗe joyi to leydi Turquie. Ɗum ko e dow noddaango hooreejo leydi ndii, Recep Tayib Erdogan. E alkamiisa hannde, hooreejo jaagorɗe yeewtidan e hooreejo suudu sarɗiiji leydi Turquie, Numan Kurtulmus. Caggal ɗuum, o yidan kadi e hooreejo leydi ndii e nguu njillu. E biol gooto e ɓadiiɓe Ousmane Sonko, gollidal faggudu hakkunde leyɗe ɗiɗi ɗee maa yeewte e nder ndee jonnde waɗoore to Istanbul ñannde jeenay lewru ndu ngonɗen. Faandaare ndee, ko ɓeydude njulaagu e geɗe goɗɗe kaanɗe semmbinde hakkunde maɓɓe. E nder lebbi paltiiɗi, Dakar e Ankara ciifi nanondiral kaɓirɗe fodde teemede tati e sappo e jeeɗiɗi miliyonŋ kaalis Oro. Ɗum ina holla jokkondiral tiiɗngal hakkunde ɗee leyɗe. Olel Tall
Naissance link
