Antoni bilinken jaagorɗo amerik, keedanɗo ɗum e leyɗe goɗɗe yilliima e afrik balɗe 10 ɗiɗaɓo kewru siilo 2024.
Kono noon ko bilinken haali abijaŋ ko wonaa ɗuum afrik sokli tee wonaa ɗuum wonani afrik nafoore, wiyde na adda kaɓirɗe kaɓirteeɗe na walla afrik no haɓiri e teroriste en.
Hoko addunoo ndogen saka na adda ndarto-ɗen ?!
Alaa ko addi teroristaagal e afrik so wonaa teroristaagu pusngu libi naange e hoyre tee wiyaaka ko teroristaagu.
Duuɓi ɓadiiɗi 10 leyɗe saahal na mballee haɓde e teroriste en ñande fof na wiyee cumu sumii gerngal.
Konnkuɗi gukkitanteeɗi laamɓe afrik ko faydi e mbiɗo wallu ma haɓeede, ɗiin konnguɗi ko irde pettooje e dame cuuɗi afriknaaɓe.
Afriknaaɓe coklaani ndah kaɓire bare kaɓiraa e teroriste en, afrik soklli ko pewje e peeje no haaltondiri e kala ɓiɗɗo mum e yiyannde mum nde waawi jogaade fof.
Sabu wallude leydi haɓde e teroriste en ɗuum na deeƴnatnoo aduna oo hisna leydi, jayngol haɓre ngol reɓataa gila afganistaŋ haa jaggoyaa burkina faso en niijeer en.
Laamɓe afrik e ɓesngu mum en yo mbaɗdu juuɗe e faandu damuɗe kaalde udditee kaaldigal moƴƴinee, afriknaaɓe ngannda njaɓa leyɗe ɗee na mbaawi wuurnidde fof en e jama e deeƴre gooto fof na wuurdi yiyannde mum, alaa ko haɗi leyɗeele ɗe ndeeƴaani ɗee deeƴde so wonaa peeje ummortooɗe ɗum caggal leydi mum, ko jirgitta ñaaki haa ina piɗa yimɓe koo wonaa e nder hoɗorde ñaaki he ɗum ummii.
Laamuuji afrik kala nde ngadini hakkille afrik e njuɓɓudi mum..
Idrissa KAH
