Gila hanki, iwarinaaɓe no jaɓɓoo diɗɗal maɓɓe foolungal alat kiikiiɗe diɗɗal Najeriya 2-1, ɗum ko caggal nde ɓe heɓi ngal deesewal foolotiro 34ɓal fuku-koyngal Afrik. Ñiibi ɗin yaltuno e hotel maɓɓe e hoore kaarwal maɓɓe e hiɓe jinnda e dow laawi Abijan holla deesewal maɓɓe ɓii-leydiiɓe maɓɓe. Ngol yiilagol e dow laawi timmirno hiirde mawnde waɗunde ka estaad « Felix Houphouët Boigny » nokku ɗo iwarinaaɓe ɗuuɗuɓe arno weltanaade fooliyankooɓe maɓɓe ɓen. Abdul Aziz JALLO
Saakitaama ñannde : 13/02/2024 – 12:52
Diɗɗal Koddiwaar no jinndida e deesewal mum e dow laawi Abijan, Ñannde 12 lewru 2024. AFP – SIA KAMBOU
