Jeewte ngam heɓde nanondiral gadanal hakkunde leyɗeele ngam haɓude tuundi poore tabitaani hanki e alarba to Geneve, waktuuji seeɗa ko adii nde kaaldigal ngal joofata. Hooreejo kaaldigal ngal, Luis Vayas Valdivieso, Ekuwatornaajo, fellitii hollirde eɓɓaande nanondiral kesal. Kono ndeeɗoo winndannde umminii luural e nder batu nguu, sabu binndanɗe keewɗe teskinɗe, ko wayi no ustude peewnugol poore, cellal, e kemikaaji tooke, tawaaka e mun. Ɗoon e ɗoon, turfiste ɗe ngonaa laamuyankooje (ONG) ñiŋii eɓɓaande nanondiral ngal, sibu ko dokkal wonande leyɗeele moƴƴinayɗe petrol. Kadi imminaaɓe leyɗeele ɓurɗe heewde yiɗɗe binndol teskinngol, jaɓaani ɗum no feewi, haa arti noon e Peter Arrêté Dery mo Jaagorgal Gaana halfinaa ngal ko feewti e taariindi leydi ndii.
Heɗoɗen mo
Envoi link