Ñaawoore ko faati e alhaali Mandakao fuɗɗitiima e aljumaa hanki to N’Djamena, laamorde Tchad. Ko ngol woni laawol aranol, ko hooreejo jaagorɗe kiiɗɗo leydi ndii e gardiiɗo fedde dawro “les modificateur” Consécration Masra ina tawee ina daaro e yeeso sariya. Oo hooreejo jaagorɗe kiiɗɗo dumbaaɗo woni joni lebbi ɗiɗi, e yeeso ñaawooɓe ɓee, o yeddii tuume pawaaɗe e makko ɗee. Ndee ñaawoore wonnde e waɗuɗe to suudu sariya ñaawooru boneeji, dertinaama ngam naweede to suudu sariya mawndu nduu. E ndee ñaawoore, fodde yimɓe cappanɗe jeeɗiɗo wonɓe tumaaɓe, ndarino e yeeso sariya.
Boly Ba
Départ link
