Hooreejo leydi ndii suɓike guwerneman makko arano caggal nde o heɓi mannda makko ɗiɗaɓo. Mohamed Uld El-Ghazuwani toɗɗike jaagorɓe 28. E ɓen 17 ko hesɓe, 11 hiɓɓe. Saaho orngal suɓngo, Mohamed Uld El-Ghazuwani foduno wonndema ko golle sukaaɓe laatoto gollal makko mawngal e oo mannda makko keso. E yi’annde Bakari Geey jaayndiyanke moritaninaajo, hertorɗo dawro, mbaadii oo guwerneman no yaadi e ndee fodoore hooreejo leydi ndii. E kadi, tabintingol ndeenaagu e Moritani hino haani wonude golle oo guwerneman keso, ko ɗun o holli e faandu haala Ibrahiima Timmbi Bah.
Naissance link
