Mbele Hooreejo Mohamed Ould Cheikh El Gazouani maa ɗaɓɓu manndaa tataɓo? Wonande lanndaaji keewal laamu nguu, jaabawol ngol ina laaɓti : ko alaa.Won haalaaji mbiyata ko doosgal leydi ndii ina waawi wayleede, kono lannda INSAF ina yeddi ɗum no feewi. E wiyde ardiiɓe kaan lannda, hooreejo leydi ndii ina yiɗi hormaade sariya e podooje mum. Lanndaaji keewal laamu njaltii e deƴƴere mum en ngam laɓɓitinde darnde hooreejo leydi ndii.En ndoɓiima konnguɗi Aïssata Alassane Ngaïdé tergal e diiso ngenndi lannda laamu nguu hono INSAF. E miijo makko, naamnal manndaa tataɓo Mohamed Ould Cheikh El Ghazouani, jeyaaka nih e ginol golle ɗee. O teeŋtinii darnde hooreejo leydi ndii e hormaade sariya daɗɗiiɗo oo. Keɗo-ɗen mo e faandu haala Oumar ELHADJ Thiam.
Envoi link
