Gartirgol ɗanniyankooɓe leydi Gine ina jokki to Moritani, caggal nde laana ndiyam ummoriika leydi Gambie nanngaa. Ginenaajo gooto daɗɗo ine wiyee Oustaz Abdallah, ina filloo yahdu bonndu faade to Orop, ina hollita tolno musiiba oo : Laawol suuɗsuuɗoondu e nder laana ndiyam keewka yimɓe (ina gasa tawa ina waɗi fotde 350 neɗɗo) tawi ina maantiniri heege e ɗomka, e maayɗeele keewɗe kulɓiniiɗe haa saabii ko ine wona 50 gooski werlaa e ndiyam. Daɗɓe ɓee hannde njaltinaama Moritani, eɓe kollita mettere barmuɓe ɓee, ŋakkeende safaara e nguura caggal nde ɓe nanngaa, ina ngoytoo kadi riiwtude banndiraaɓe woɗɓe, kañum en fof ɗoftaade sariya e nder leydi Moritani.
Keɗoɗen seedantaagal Oustaz Abdallah e ƴetti haala makko ko Oumar Elhadj Thiam.
Amont link
