Daakorɗe konu leydi ndii ɗuuɗuɗe njanaama e mum subaka hannde, wonannde kabaruuji ɗii men keɓi. Anndinaama wonnde tiindondiral ina waɗa e oo sahaa to kaso mo Kenioraba, kaso wonngo to hirnaange leydi ndii, nokku mo woɗaani Bamako. Ko laaɓi heɓaaki taho to baŋŋe bonandaaji.
Saakitaama ñannde : 04/07/2026 – 12:56
1 mintj Beru minittaaji janngataa ɗun
Fettande mawnde nanaama kadi Sevare, wuddu Mali, e nder daakorde konu wonnde ton. Gila nden, konu leydi ndii uddi saare ndee, e bi’ol seeditiiɗo e faandu haala RFI. Anefis kadi, rewo leydi ndii, ɗo daakorde wonnde konu leydi ndii tawaa, kareeli ina njokki ton e ko ɗum seedeeɓe buy wi’i. E subaka law hannde, yiiyaama e salut facebook , winndande nde gooto e ardiiɓe FLA winndi tiindondiral fii heɓtugol saare Anefis. Konu nguu non hollii e cimtol wonde, o alhaali ko ettaare yande e daakorɗe maɓɓe gonɗe nder gure Aguel Hoc, Anefis, Gao, Sevare e Kenioraba. Konu nguu hollitii wonnde hiɓe huɓindii alhaali oo.
