Hannde, 16 lewru 10ɓuru, yeewtere men no nawra en Madagascar. Kaalen ko yowitii e fodaaje ɗe konunkooɓe liɓuɓe laamu Andry Rajoelina waɗani biɓɓe Madagascar, weltorɓe ndee ciwlere laamu. Kolonel Mikael Randrianirina (Rand-ja-nirin) ardiiɗo nguu konu CAPSAT, ciwliingu laamu, waɗat woondoore mun aljuma janngo. O fodii joɗɗingol guwernaman mo siwileeɓe e konunkooɓe tawetee. Himo holli kadi wonnde ko ko lebbi 18 haa duuɓi ɗiɗi ɓe ardotoo Madagascar, ɓe yuɓɓina suɓngooji hooreyaaku leydi ɓe watta laamu ngun e juuɗe siwileeɓe.
Ko holno taskorɗon ɗee fodaaje ɓee konunkooɓe liɓuɓe laamu Madagascar?
Préliminaire link
