Ko e nder ndee hare hakkunde Israayel e Hamas, leyɗe ɗuɗɗe Erop ngoni e heɓtine laamu Palestine. Ko ɗum nantini e oo alarba Irlande e Norvege. Ɗum wonaani mbellamma e Israayel nodditɗo ambasadeerɓe mum e ɗee leyɗe. Aysha SOW
Saakitaama ñannde : 22/05/2024 – 17:11
1 mintj
Gila jooni duuɓi, diplomatuuɓe ene eto joƴƴinde feere walloore Israayel e Palestin, gooto kala heɓa laamu hoore mum. Kono lebbi seeɗa caggal, hooreejo jaagorɗe Israayel Benyamin Netanyahu hesɗintini salaare mum e keɓtingol laamu Palestin. Ittata e oo alarba Españ, Irland e Norvej nantini pellital mumen heɓtinde laamu Palestin ngam softinde leyɗe goɗɗe waɗde hono nda non. Ngal pellital Norvej fuɗɗoto ko ñannde 28 nduu lewru ndu ngonɗen. Ko ɗum holli ngol ciimtol ngol leyɗe tati ɗee mbaddi. Israayel hollii mettu ɓernde mum e ngal pellital hay so tawi won leyɗe kolluɗe weltaare mumen. Israayel anndinii caggal boneeji ɗi Hamas waɗi ɗii fof, ɗee leyɗe ndokkiiɓe mbelnaari e keɓtingol laamu Palestin. Haaɗaani ɗon, jaagorɗo kalfinaaɗo jokkondiral leyɗe ngal Israayel nantinii nodditgol ambasaderrɓe mum e ɗee leyɗe tati caggal ngal pellital maɓɓe heɓtinde Palestin.
