SENEGAL
Caggal balɗe ɗiɗi ko ndu yettii Sénégal, lewlewndu fijooji olempik sukaaɓe waɗanaama hanki jaɓɓungal manngal to nokku innirteeɗo Position du Fétiche Africain laamorde Senegal. Toon ɓiɓɓe Senegal heewɓe ndenti ndaarde weloweloji baɗɗi e ngol teertogol jeyngol fijooji olempik. Ɗum waɗii e tawtoragol hooreeɓe COJOJ, hooreejo jaagorɓe Senegal kam e hooreeɓe gollorgal toppitiingal fijooji mawɗi adunaaru CIO. E oon sahaa rewɓe teemedere cuɓaama ngam jogaade nduu lewlewndu. Aissatou LY
Saakitaama ñannde : 13/09/2026 – 11:43Hesɗintinaama ñannde : 13/09/2026 – 11:50
1 mintj Beru minittaaji janngataa ɗun
LEWLEWNDU OLEMPIK © rfi fulfulde
E rewɓe hokkaaɓe teddungal tiigaade lewlewndu olempik to Position du Fétiche africain keeŋa no tawa Coumba Gawlo Seck, gooto e rewɓe naalankooɓe maantiniiɓe e nder Senegal. O hollitii weltaare makko tawdeede e rewɓe tammbinaaɗe ɗee golle hanki. Keɗoɗen mo e faandu haala Alhousseynou Ba
Coumba Gawlo Seck hollii weltaare mum taweede e ɓee rewɓe 100 tammbiiɓe nduu lewlewndu olempik
