Guinee, laamu faddewu nguu hino e laawol timmugol. Brigadier Mamadi Doumbouya suɓaama hooreejo ndii leydi e ɗee woote ɗe lunndiiɓe laamu nguu, anndaaɓe ɓee fow tawaaka. So en tuugike e njaltuɗi ɗin, o heɓii ko fawi e daaɗe 86 e nder teemedere wel. E ɗii duuɓi 4 ɗi o laami Guinee, Brigadier Mamadi Doumbouya holli eɓɓooje heewɗe ngam waylugol ngalu leydi ndin wonndude e alhaali politik mayri. Kono ko ɓuri teeŋtude e ɗii duuɓi 4 kadi ko ŋakkere teddingol hakkeeji neɗɗanke e fitinaaji faade e yimɓi sosiyete siwil e politik. Taw si o waylan no o laamori ndii leydi e ɗii 7 aroji ? Tuugaade e eɓɓoore makko fagguduyankoore Simandou, tawi Brigadier Mamadi Doumbouya waawan waɗude Guinée e laawol ɓamtaare ?
Koɗo men hannde ko Lansana Camara, mawɗo jaayndeyanke Guinée. Himo jaaboo lamnde Ibrahima Timbi Bah.
Départ link
