Wullitande ko faati e mumtugol Usmaan Sonko e nder doggol wotooɓe, suudu ñaawirdu ndun Zigenshoor jonnitii Usmaan Sonko goonga. Ñaawoowo on jamirii winnditugol mo e nder ngol doggol. Awokaaɓe makko weltorii ngal pellital. E bi’ol maɓɓe tuugaade e ɗum Usmaan Sonko no waawi wonude ɗaɓɓoowo laamu e suɓngooji hooreeyaaku saatiiɗi e hitaande 2024. Heɗoɗen Meeter Siree Kledor LI, gooto e awokaaɓe Usmaan Sonko.
Saakitaama ñannde : 13/10/2023 – 14:24
