Holto ngonɗen e pellital CEDEAO neldude konunkooɓe Niijeer ? Tafon, kabaaruuji laaɓuɗi fuu ngala.Ko selli tan Senegaal ɗoo, konunkooɓe hawrinaaɓe (mooɓanooɓe), wonnooɓe Cees gilla 11 lewru jeenaɓordu e hitaande ndee, kootii e daakorɗe maɓɓe. Ɓee konunkooɓe Senegaal kawriinanooma, caggal nde fedde CEDEAO, ɗee leyɗe hiirnaange Afrik hollunoo pellital wartirde laamu demokarasi e nder Niijeer. Ko ɗum woni yoppitinde Muhamed Bazum e tottitude mo laamu makko ciwlaangu. Oolel Taal.
Saakitaama ñannde : 25/10/2023 – 20:32
