Gine-Bissaawo
Hooreeɓe konu ɓen Gine-Bissaawo hollitii hannde ñannde 1 lewru 12ɓuru 2023, wonnde ɓe nanngii hooreejo ɓee konunkooɓe waɗuɓe ɓen nduu murtaldu jemma hanki e alkamisa. Ɓe anndinii wonnde alhaali no e juuɗe maɓɓe.Pellanɗe sukkuɗe nanaama hanki jemma, 30 lewru 11ɓur no weeta 1 lewru 12ɓuru ndee hitaande. Ɗum waɗii e sera daaka konu wonka ka ñaamo (worgo) saare nden. Ko e makka fedde konu noddirteende « gard natiyonal » daakii. Ko woɓɓe e maɓɓe faalanoo yaltinde e nder suudu poliisi jaagorɗo gooto e koolaaɗo kuuɓal laamu jogaaɓe e mayru. Konu heeriingu leydi ndin etino hettugol kan daaka ado ɓe yamireede yo ɓe darto taho haa kaaldal waɗee. Ɗum no waawi wonnda tawa laataaki sabu pellanɗe fuɗɗitino hannde bimmbi kadi.
Saakitaama ñannde : 01/12/2023 – 20:45
Konunkooɓe Gine-Bissaawo REUTERS – STRINGER
