Fiyannde weeyo konu Israayel wonii sabu maayugol ko ɓuri yimɓe 200. Tuugaade e jaagorgal halfinaangal cellal Palestiin e ley ardigal Hamas. Oo musiiba addii ŋiñoore e ñawaaje mawɗe e nder aduna. Seppooji kadi huɓɓii Ommaan, Tuunus, Beyruut e Tahraan. Ndee hawrii e suudu ñawndirdu Gaza noddirteendu Al-ahli. Hamas wi’ii wonnde ko laamu Israayel woni sabu ɗii pittaali siwilɓe ittaaɗi. Konu Israayel kañum kadi no tuumi fedde noddirteende « Jihaad lislaamu » werlangol rokeetje e nduu ñawndirdu. Nden fedde no fenni ɗum. Joe Bayden, habbaaɗo e nden falnde e balɗe ngaooje, yewtidii e Hooreejo jaagorɓe Israayel, o yewtidii kadi laamiiɗo Sawdi Arabiya e Laamiiɗo Urduun (Jordani). Antonio Guterres, Koolaaɗo Kuuɓal Dental Adunaaru e Josep Borrell hooreejo Diplomasi Dental Erop, ɓee fow hollii nawaare nde ɓe heɓi e ndee lomoore siwilɓe maayɓe ndee fiyannde weeyo.
Saakitaama ñannde : 18/10/2023 – 12:36
