Hooreejo jaagorɓe Israyel on fodii hanki e asewe 7 lewru 10ɓuru, wonnde o yottanto leydi ndin e koo ko waɗi e ndee « ñalaande ɓaleere ». Gila hawre Kipuur nden waɗi, 50 caggal hannde, ko ndee ƴiiƴam ɓuraa rufeede mum e nder Israyel. Ko ɓuri yimɓe 600 waasii pittaali maɓɓe. Ɗum ko tuugaade e limoore sakkitiinde nde jaagorgal Israyel halfinaangal cellal ɓanngini. Laamu ngun hollii wonnde ko ɓuri yimɓe 100 ciwlaama e ndee hawannde. Ujune ɗiɗi barmuɓe no jaɓɓaa e nder cuuɗi ñawndirɗi ɗin, teemeɗɗe ɗiɗo e maɓɓe no wonndi e barmeeji mawɗi.Israyel sowii piyanɗe weeyo e dow Gaza. Ko ɓuri palestinaaɓe 370 maayii e battane ɗee fiyanɗe. Ujune barmii. Gazanaaɓe no yaltude e cuuɗi maɓɓe kulol ɗee fiyanɗe ɗe Israyel fuɗɗii hanki.
Saakitaama ñannde : 08/10/2023 – 16:23
