Lunndiyankoojo laamu Senegaal, sincuɗo ndee fedde dawro fusaande, e cukko makko on, Basiiru Jomaay Faay, kandidaajo e ɗii wooteeji saatiiɗi ñannde 24 nduu lewru, yaltii hanki kiikiiɗe Kap Maniyel, kaso ngo ɓe joganoo e muuɗum gila lebbi 6. Yimɓe bammbuɓe ɓee lunndiyankooɓe diɗo jaɓɓike e hoore weltaare. Ko teemeɗɗe yimɓe ɗowti ɓe haa ka galle Usmaan Sonko. Parleman Senegaal on wootii oo sariya yaaforɗo nanngaaɓe e baŋŋe dawro gila ñannde 6 lewru 3ɓuru. Sariya mo Hooreejo leydi ndii, Makki Sakki Sall lamndii ngam deeƴingol weeyo dawro e nder Senegaal. Basiiru Jomaay Faay tawaaɗo e ƴamooɓe lefol laamu, no jogii balɗe jeetati fii jokkitagol orngal hooreyaaku makko.
Saakitaama ñannde : 15/03/2024 – 09:40
Wonanɗo Usmaan Sonko, no towni originaire makko, ñannde 14 lewru 3ɓuru 2024, Dakar. © JOHN WESSELS / AFP
