Gabon
Hooreejo laamu hakkundewu Gabon, Jeneral Oligi Ngema toɗɗike hooreejo jaagorɓe. « Raymond Ndong Sima » ko fagguduyankeejo mo duuɓi 68, lunddiiɗo laamu Ali Bonngo. Dekere toɗɗagol ngol janngaama ka tele ngenndiijo hannde e alkamissa 7 lewru 9ɓuru. Ɗum waɗii yontere caggal nde laamu Bonngo waylitaa. Raymond Ndong Sima woniino hooreejo jaagorɓe Ali Bonngo gila e hitaande 2012 haa 2014. O wonii kandidaajo wooteeji hooreyaaku 2016 e 2023. E hitaande 2023 ɗoo, o sortino e ɗaɓɓooɓe laamu ɓen, o woni ɓaawo (caggal) dinngiral Albert Ondo Ossa.
Saakitaama ñannde : 07/09/2023 – 19:21
Raymond Ndong Sima toɗɗaaɗo hooreejo jaagorɓe Gabon AFP – WILFRIED MBINAH
