Gila talata alhaali oo no jilɓi e nder leydi ndi ɗum caggal nde Kuliyankooɓe njani e daakoorde konunkooɓe to Mansila nokkuure tawaande e diiwal Sebba, rewo leydi ndi. Hollaama wonde ɓe pooli toon konunkooɓe ɓee, ɓe nawi kaɓirɗe maɓɓe. O alhaali tawti kuuje pellooje teskaaɗe ñande alarba to RTB saraji Kuluba suudu lamordu leydi ndi. Ɓiɓe leydi ndi no njokki ƴamude namɗe e o alhaali. Laamu ngu rokkaani hay kabaaru gooto e ɗi alhaaliji ɗiɗi. Amadou Barro BAH, mi salminiima. Rama Jallo salmitiima. Alhaali oo ni jiiɓi to Burkina Faso e o saha ?
Saakitaama ñannde : 14/06/2024 – 19:40
1 mintj
E alhaali fiyannde nde kuliankooɓe waɗii to Mansila talaata faltiiɗo, ko laaɓi heɓaaki e mum taw. Wona limoore maayɓe wona barmuɓe. Kabaaruji hanki ɗi holli wonnde konunkooɓe ɓe ko folaaɓe toon, dakorde maɓɓe bonna. E bi’ol njaaydiyanke hertorɗo kabaaruuji ndennagu mo min njokkodiri « No wayi wano so guwernema oo woƴaaka o alhaali ». Hannde guwernema oo no e jonnde, haay so tawi haay kabaaru gooto yaltani walla heɓaaki e nde jonde.So tawii ko laaɓi heɓaaki e ko waɗi koo to Mansila, rewo leydi ndi, Wagadugu kadi deƴeere kubtidinde ala toon. Ɓiɓɓe leydi ndi no njokki namdaade alhaali waɗuɗo oo to RTB alarba faltiiɗo saraaji suudu lamordu ndu. Ɗum sabiima barmuɓe e bonnodaaji ɗuuɗude.General Celestin Simpore hokki yamiroore horeeɓe konunji ɗi tawtude soldasiiɓe haɓooɓe e kuliankooɓe ɓee. So wona ɗum ala ko hesɗi e o kabaaru. Laamu Kapiten Ibrahima Traore alaa fuu ko haali e ɗe pellanɗe waɗuuɗe to telewison leydi ndi. E on saha kabaaruji keɓaama wonnde konu ngu ƴettii pellital ɓeydude yimɓe mum to Dori e nder diwaal sahel rewo leydi ndii. E bi’ol gooto e halfinaaɓe ndenaagu. Ɓee konunkooɓe ɓeyditaa ko ngam ɓe wallitoo alhaali oo to Mansila.Horeejo laamu faddewu ngu Kapiten Ibrahima Traore, yiiyaaka o nanaka gilla alarba. Ɗum waɗi naamne no woodi.
