Guinée, ko hannde asugol oogirde Simandou fuɗɗoto. Simandou ko ngoo fello mawngo janɗe, ngo golle mun fawi e miliyarji 15 dollars. Ko sosiyeteeji Rito Tinto e entente Winning Simandou e nder gollidal e Guinée woni ngo e assude. Gila fuɗɗoode yaltingol janɗe maggo, hitaande kala Guinée heɓay ko famɗi wo miliyar gooto e feccere (1,5) kaalisi dollars, e bi’ol hertorɓe oogirɗe heewɓe. Tuugaade hooreeɓe leydi ndii, e nder duuɓi arooji ɗii Simandou wallay Guinée tawegol e leyɗe ɓurɗe ɓamtaade. Ngam anndugol ko fello Simandou anndanta Guinée, hiɗen jáɓɓii hannde Dr Oumar Totiya Barry ardiiɗo Poste Guinéen des Mines et Métaux, ngoomu ƴewndotoongu oogirɗe e janɗe. Himo jaaboo lamnde Ibrahima Timbi Bah.
Prélude link
