Altine ñannde 18, 9ɓuru yewtere men no nawra en Gine. Ko hannde orngal woote referendum fampaangal ñannde 31 lewru faltiindu timmata e nder leydi ndii. E nder ko fawi jonnte ɗiɗi, ardiiɓe e bambuɓe walla jinnganooɓe écope dawro yiilike e nder ca’e e koɗoli gine ngam noddude ɓiɓɓe leydi ndii e yo wootu “eyo” hino jaɓi ngal downgal kesal Gine, maɗun yo wootu “Oo’o” alanaa sariya oo mawɗo keso, walla wuren, wota yaltu ka mun ñannde 21 lewru ndu wonuɗen e mun ngam yaade e nokku to wootete ɗon. Enee ko holno yiiruɗon no orngal woote ko faatii e jaɓugol maa salagol dosngal kesal gine feƴƴiri? Fuɗɗanndema e mottondire yuɓɓinaaɗe, konnguɗi hollaaɗi, wonndude e jewte lumɗiyankooɓe anndinɗe wota gooto e wonduɓe e maɓɓe wootu nden ñannde. Wano Aladji Cellu Dallen DIALLO hooreejo fedde UFDG e Pr Alfa Konnde ardiiɗo RPG Arc- en Zénith nodii bambuɓe ɓe hedaade to galle nden ñannde wota gooto yahu wallingol kartal mun hay si tawi ko wootogol oo’o.
Début link
