Hannde e talaata, ñannde 19, 12ɓuru 2023 ka taskaram On Tottaama Konngol, en yewti fii alhaali dawro RD.Konngo, ko faati e suɓngooji hooreyaaku, e sarɗinkooɓe. Suɓngooji happaaɗi e alarba ñannde 30 e nder leydi ndii. Ko timmi miliyonji 44yo ɓiɓɓe leydi ndii suɓoto janngo hooreeɓe maɓɓe. Kono yoga e maɓɓe no jiɓii si tawii woote ɗen feƴƴiran no newori. Hiɓe jiɓii anndude si tawii suudu halfinaadu yuɓɓingol suɓngooji ɗii timminii alaaji wootirɗi ɗin, si tawii ɓe waawan udditude nden ñannde nokkeeli wootirɗi ujune 75 ɗi ɓe eɓɓi ɗin. E si tawii kadi ɓee yimɓe ɓe nate karte wootirɗe mum hoɓɓitii e binndi ɗin momtii waaway wootude. Hiɓe maapii ɗum sanne fii kala CENI on kaŋum tentinii wonnde aalaaji ɗin fow timmii no woote ɗen waɗiran no neworii. Ko ɓe torii, ko yo mo kala yahu e nokkure ka winndori ɗon fii wootugol.Ko holno ñaawirɗon oo alhaali? Hiɗon miiji wonnde woote ɗee waɗiran no newori wano CENI on holliri non? Kaa hiɗon tawti yoga e ɓiɓɓe leydi holluɓe wonnde hiɓe jiɓii si woote ɗee laaɓan?
Ñalaande wooteeji RD Konngo ñannde 20 lewru 12ɓuru 2023 © Appartement courbe FMM
Hiɗon waawi neldude men lamndal ngal yiɗuɗon yo men jaabo e guurol. Okkee miijo mon e ndee toɓɓere ka tongoode watshapp : 00221766441280.Heɗee jeewte soit fow ka kelle soit Facebook e Twitter: RFI FULFULDEOn Tottaama Konngol ko ñalaande kala gila njamndi 13:15 faa 13:30 (GMT).
