Hannde e alarba, ñannde 24, 9ɓuru, en yewtan fii pellital ngal Mali, Niger e Burkina Faso ƴetti fii yaltugol e nduu Suudu Ñaawirdu Adunayankooru Mawndu noddirteendu CPI. Ɗee leyɗe tati Sahel hollitii e altine faltiinde ndee, sortagol ɗe e mayru. Hiɓe ɓe tuumiri ndu wonugol aala wonaaɗo e huutoreede fii ɓittugol leyɗe goɗɗe, alaa wonuɗo e juuɗe leyɗe falaaɗe ardaade aduna on. E bi’ol ɓee hooreeɓe leyɗe AES, hino jeya e dalullaaji hirjinɗi ɓe fii yaltugol CPI. Faale maɓɓe hettugol jeytaare maɓɓe timmunde, Ɓe anndinnii kadi faale maɓɓe sincugol suudu ñaawirdu Sahel, toppitotoondu fitinaaji ɓurɗi e hulɓinaade.
Naissance link
