E alarba ñannde 29, 10ɓuru, en yewtan hannde ko yowiti e alhaali dawro Koddiwaar. Alassane Ouattara dañii poolgu mawngu e ɗii suɓngooji hooreyaaku faltiiɗi. Oo hooreejo leydi heɓii daaɗe 89,77 %. O heɓii wano ɗee daaɗe fof, fii kala taskaama wonndema keewal waɗaali e woote ɗee hikka wano ɗee yuɓɓinaaɗe e hitaande 2020. Tippude e njaltiɗi suudu halfinaadu yuɓɓingol suɓngooji ɗin, limoore tawtoraaɓe e woote ɗee ɓuraani 50%. Hay si tawii tiindondiraaɓe Alassane Ouattara e ɗii suɓngooji hollii wonnde ellaaji waɗii e majji, ɓe salaaki nguu poolgu makko. Hino jeyaa e ɓen Simone Ehivet heɓuɗo daaɗe 2,47% ko kanko woni tataɓo e ngoo foolotiro.
Montée link
