Altine ñannde 9, 9ɓuru, yewtere men no nawra en Koddiwaar, kaalen ko faati e alhaali dawro leydi ndii. Suudu toppitiindu doosngal leydi ndii ɓanginii hanki altine doggol kanndidaaɓe taweteeɓe e woote hooreyaaku yuɓɓinteeɗe ñannde 25 lewru 10ɓuru hitaande nde wonuɗen e mum. E nder kanndidaaɓe ko fawi cappanɗe jeego’o wallinnooɓe kaytaaji mun ngam taweede e ƴamooɓe lefol laamu, ko ɓe njowo tan innde mun woni e doggol lollinaangol. Ɓen ko Alassaan Waatara hooreejo leydi, Simone Ehivet, Henriette Lagou, jaagorɗo kiɗɗo Koddiwaar, o woni kadi kanndida e hitaande 2015, Blue-jean-Paillette Billon, jaagorɗo kiɗɗo ngeygu kaŋum e Ahoua Don Mello. Suudu dosngal leydi ndii jaɓaali kanndidaaku Tijjaan Caam e Laurent Gbagbo lunndiyankooɓe mawɓe e nder Koddiwaar ɗum ko sabu ɓe winndaaki e ɗeri wootooɓe ɓen. Laurent Gbagbo ko gila e hitaande 2020 innde mum montaa e doggol wootooɓe, Tijjan Caam kañum ko e 6ɓuru hitaande nde wonuɗen e mun innde mum ittaa
Amont link
