E alkamisa ñannde 29, 1ɓuru, hiɗen yewta hannde ko faati e pellital ngal Njuɓɓudi Afrik toppitiindi fuku-koyngal CAF, ƴetti caggal caɗeele taskonooɗe ñannde kawrital timmal CAN hakkunde Senegal e Marok. Tuggaade e pellital ngal, yagginanɗe taskaama e baŋŋeeji ɗiɗi kala. CAF fawii yagginanɗe e hoore diɗɗal Senegaal sabu ko fijooɓe ɓen yaltunoo kon e nder estaadi on. Évêque Thiaw eltoowo diɗɗal ngal fawaama ittugol ujune 100.000 kaalisi Dollard e waasude tawtoreede e kawge 5. Fijooɓe ɗiɗo, Iliman Ndiaye e Ismaila Sarr yagginiraama waasde tawtoreede e kawge ɗiɗi mo kala e maɓɓe sabu geɗe maɓɓe feewde e ñaawoowo kawrital ngal, geɗe ɗe yaadaa e sariya coftal ɓanli. Fedde toppitiinde fuku-koyngal Senegaal kadi yoɓan emmbere ujune 615 kaalisi dolards. Marok kañum kadi fawaama yaggine goɗɗe. Fijooɓe maɓɓe ɗiɗi yagginaama. Achraf Hakimi tawtortaake e tiindondire ɗiɗi, Ismaël Saibari kaŋŋun ko tiindondire tati, wonndude e yoɓugol alamaani mo ujune 100.000 kaalisi dollard. Njuɓɓudi Marok toppitiinde fuku-koyngal fawaama kayre kadi yoɓugol alamaani ujune 315.000 kaalisi dolards.Haysi tawii woodii yaaɗuɓe e ɗee yaggine CAF feewde e diɗɗe ɗee ɗiɗi, woodi ñiñuɓe sanne ngal pellital CAF. Woɓɓe e maɓɓe no holli wonndema yagginanɗe ɗen no tiiɗi sannde .
Ko holno onon taskorɗon oo alhaali yagginanɗe fawaaɗe fawaaɗe e diɗɗe Senegaal e Marok sabe nduu jiiɓoldu taskaandu ñannde timmal CAN2025?
Commencement link
