Caggal ɓalɗe ɗiɗi gila nde Hamas yani e dow Israayel, limoore maayɓe ɓen ɓurii ujunere e ko fawi si maayɓe baŋŋeeji ɗin ɗiɗi hawtitaama. Kono haa jooni tiindondire ɗen no jokki hakkunde maɓɓe. E nder Afrik, yoga e ardiiɓe holli mette maɓɓe e ɗee hare. Ko ɗum saabii ɓe eeri Israyel e fedde Hamas nde dartinta kareeli ɗin ko ɓuri e yaawde ngam jam e deeƴere tabita. Abdullaay JALLO.
Saakitaama ñannde : 09/10/2023 – 14:37
1 mintj
Faandaare aranere nden ko etaade artirde alhaali Palestiin yeeso aduna on. Ɗiɗaɗun ɗum kadi ko nani-nani fii dartingol golle Mahmuud Abbaas maruɗo duuɓi ɓuy tuumaaɗo kadi ko yowitii e ngeenaari bomɗi ñiŋaaɗo felaaɗo. Ko ɗum saabii fedde Hamas no ndaardude fii no ɓe daroroo tuma o dartinta golle makko. Ko sakkitii kon kadi no woodi toɓɓere wonde sabu ɗee ɓalɗe en nji’ii yewtere hakkunde Amerik, Israyel e Sawdi Arabiya ngam moƴƴintinde jokkondiral Hakkunde Israayel e Sawdi Arabiya. Hiɗen waawi wi’ude kadi Hamas no eɓɓi heɓude dartingol ngal ɓadondiral hakkunde Israayel e kono waajibinde Israyel naata e nder Tend de Gaja. Ɗum ko caɗeele addanta ɓe Hamaas e lorriiɓe Palestine. Ɓe waawi non huutoraade ɗum ngam bonnude innde Israayel ka mofte winndere, ɗum ko ngam kamɓe Israayel ɓe ronka siifude nanondiral eSawdi Arabiya.
