Wameeji mbaɗuɗi to fuɗnaage Liibiya tentinii e ndee saare Derna sabiima eggugol yimɓe 43 000 ne nder saare ndee. E bi’ol ONU caakitirɗe no taƴƴunoo e nder saare Derna ndee, kono ɗe ngartiraama alkamesa hanki. E oo saha ɗaɓɓitugol ujune yimɓe majjuɓe sikaaɓe maayi no jokki. No ɓeydi e ɗum kadi soklaaji egguɓe caggal nde ɗii wameeji waɗi. Boli BA
Saakitaama ñannde : 22/09/2023 – 15:31
1 mintj
E kollital OIM, catal fedde ONU topitiingal ɗanle, alkamesa hanki, yimɓe 43 059 loriiɓe njaltii e saare Derna sabu caɗeele teskaaɗe ton gilla ndee waame waɗi e jamma 10 nduu lewru 9ɓuru. Ɓe anndini kadi ŋakkere ndiyam laaɓɗam sabiima haa woɓɓe eggii e saare ndee, ɓe yahii gure goɗɗe ngonɗe e baŋŋe fuɗnaange e hirnaange Liibiya.E bi’ol OIM, haa jooni, soklaaji ɓurɗi heñoreede ɗi egguɓe ɓe cokli ko nguure, ndiyam laaɓɗam e boulet cellal hakkille maɓɓe.Ko timmi yimɓe 3351 mbaasi pittaali maɓɓe, ɗum woni limoore nantinaande tawo. Kono ardiiɓe saare Derna nde e e houe fabatooɓe ɓee no kuli hoto limoore nden ɓeydo nde tawnoo yimɓe ɗuɗuɓe no majji.Siftinde, Liibiya no wuuri tiiɗallaaji gilla laamu Mu’ammar Khadafi liɓaa e hitaande 2011. Gilla nden ko konukooɓe lurruɓe ngardii leydi ndii. Baŋŋe hirnaange Liibiya wano Tiripoli ko Jeneral Abdelhamiid Dibeybah ardii. Baŋŋe fuɗnaange leydi ndii ko Mareshal Khalifa Haftar ardii.
