Jaagorɗo Israalnaajo halfinaaɗo ndeenaagu yamirii kippol timmugol (uddere) e dow Gaza. E bi’ol makko, corommbi ndiyam taƴaama, koruuran e ñaameteeji naatataa. Ɗum ko balɗe tati caggal nde hawannde Hamas nden fuɗɗii e nder laral Israayel. Hawannde nden wonii sabu maayde ko ɓuri israayelnaaɓe 700 e palestinaaɓe 560. Hono ɗee bone waɗaali gila duuɓi cappanɗe jowi, Gila hawre Kipuur ñannde 6 lewru sappaɓuru e hitaande 1973. Konu Israayel anndinii wonnde ɓe laɓɓinii ca’e Israayel ɗen e ɓee haɓiyankooɓe Hamas naatunooɓe e nder leydi ndin. Gila hannde bimmbi kadi hawanɗe goɗɗe kadi taskaama to rewo Israayel, e keerol maɓɓe e Liban, e dow palot Golan.Israayel no hablanaade naatugol Gaza, kono alhaali on no jilɓi sabu ɓiɓɓe israayelnaaɓe ciwlaaɓe ɓen naɓaa Gaza.
Saakitaama ñannde : 09/10/2023 – 15:57
