Hoɗiyankooɓe Konaakiri, ko fellanɗe finndini ɓe hannde e ndee aseweere 4 lewru 11ɓuru. Konunkooɓe yi’aama e gulluuje buy e nder laamorde nden. Jaagorɗo toppitiiɗo nunɗal e sariya leydi ndin goonginii, e faandu haala FIM FM, wonnde sokaaɓe buy ka suudu kasirdu Konaakiri dogii laawike. No jeyaa e doguɓe ɓen, Muusa Dadis Kamara, hooreejo leydi kiɗɗo, K. Pivi, jaagorɗo kiɗɗo halfinaaɗo kisal hooreejo leydi e Muusa Cegboro Kamara, ardinooɗo konu haɓoowu banndiyaagal, doroogu.Ɓee tante fow no jeyaa e ɓurɓe hittude e wonaaɓe e ñaaweede e ngoo warngo 28 settaambur. Ñaawoore fuɗɗiinde gila hitaande jooni.Rajooji e lowe internet goɗɗe ginenaaje anndinii wonnde Muusa Cegboro Kamara kañum kam nanngitaama.Ko subaka law hella yamnde 5 beete ɗee pellanɗe fuɗɗi iidude e nder Komin Kalum. Haa jooni ɗaɓɓitugol fuutiiɓe ɓen no jokki.
Saakitaama ñannde : 06/11/2023 – 12:10
1 mintj
