Gaaza, Konu Israayel no jokki weddagol walla fappagol bommbuuje e hoore Gaaza. Gila ndee hawre fuɗɗi ko ɓuri yimɓe ujune 7 waraama, si en tuugike e limoore jaagorgal Palestiin halfinaangal Cellal. Hannde e alkimissa e subaka, konunkooɓe Israayel woɓɓe naadii saaruuje (kanuuje) maɓɓe haɓirɗe e nder Gaza. Kono ɓe ɓooyaali nder ton. E nder hollitol konu Israayel nantinii wonnde hiɓe heblaade fuɗɗagol sagara ɗiɗaɓo ndee hawre hakkunde maɓɓe e Hamas, fedde saabiinde warngooji waɗuɗi Israyel ñannde 7 nduu lewru 10ɓuru. Ɓe hollii kadi ɓe warii cukko hooreejo yiilirde suudu hummpitooɓe Hamas.
Saakitaama ñannde : 26/10/2023 – 22:07
