Horeejo Amerik Joe Bayden habrii ñannde e altine faltiinde ndee pellital mum yaltinde Gabon , Niger, Niijeer, Uganda e Sentrafrik e nder eɓɓoore AGOA. AGOA ko sarɗiwol ngam weeɓnande leyɗe Afrik neldugol njeynguuji mum Amerik tawa yoɓataa saggale duwañi. Joe Bayden hollii e nder ɓataake mo oo faani e suudu sarɗiiji ndu wonde ɗee leyɗe nayi natti ɗoftaade sariya AGOA ɗee . Gabon e Niijeer mbaɗaani hay iccilaare wootere ngam moƴƴinde dawro e tabitinde laamu demokarasi. E bi’ol makko, Santrafrik e Uganda ɗoftaaki hakkeeji neɗɗanke. E bi’ol Yaya BARI fagguduyankeejo, ngol yaltingol jogotaako battane bonɗe e faggudu ɗen leyɗe, sabu AGOA ɗuuɗaa nafoore leyɗe tawaaɗe e njuɓɓudi ndii. Keɗoɗen mo e faandu haala Umaar Mamadu SOW.
Saakitaama ñannde : 01/11/2023 – 21:25
