Japon eɓɓuno hanki e alarba sosde nokku faggudu gooto, tawi na yahdi e maayo Inde e Afrik. Ko hooreejo jaagorɓe Japon holli ndee eɓɓaande e sa’i nde jonnde 9 ɓiire hakkunde leyɗeele Afrik e Japon ngam bamtaare Afrik (TICAD), uditetee to Yokohama. Ndee jonnde nde balɗe tati, rendinay imminaaɓe ko ina tolnoo e 50 leydi e juɓɓule, ko Japon e Angola ardotoo nde. E nder konngol makko udditgol, João Lourenço, hooreejo leydi Angola, hooreejo Dental leyɗe Afrik, teeŋtinii ballal e nokkuuji maantinɗi hakkunde Tokiyoo e dongre Afrik.
Heɗoɗen mo
Origine link
