Men njilliima to janngirde innitaarnde Aamadu Hampaate Bah wonnde Nuwaakshot. Janngooɓe ɓee njanngata fannuuji gannde ɗee ko e nder ɗemɗe maɓɓe. Ɗemngal Pulaar, Soninke e Wolof naadanooma e nder tippudi Nehdi e Jannde hitaande gila 1979. Ɗuuɗuɓe e maɓɓe ngontii hannde ngontii injeniyeerɓe, woɓɓe dokteer safrooɓe toowɓe. Gonnooɗo ɓurnooɗo heɓude toɓɓe oo e bakaloreya ko e ɓen janngunooɓe ɗemɗe ngenndiije jeyanoo. Ngoo dartino waɗaama e nder wertaango ngenndi fof, wiɗtooji lugguɗi mbaɗaama ko jowitiiɗi e firo helmeendi, ko wano hiisa, ganndiwe, lesdiwal (joogarafi), guurɗi, daartol (taariika), dawro, nehdi renndo, ñaawoore, cellal ekn. To Ekkol Aamadu Hampaate Bah, janngooɓe ɓee ina mbeltoroo janngude e ɗemɗe ngenndiije, eɓe mbaawi suite e winndude gila e tolno 1. Eɓe mbaawi waɗde kadi kiisorɗe e nder ɗemngal maɓɓe.
[natal yeru] © Laura Martel/RFI
