Hooreejo Senegal, Bassirou Diomaye Faye ina e njillu to Madrid hannde haa ñannde 26 lewru nduu. Ko ngol woni go’o ko omo yaaha toon gila o heɓi laamu. E nder njillu makko, omo foti joɗdaade e laamiiɗo Felipe VI e gardiiɗo jaagorɓe leydi Españ, hono Pedro Sánchez. Ina e jeewte ɗee ko adii fof e tiiɗtinde jokkondiral hakkunde leyɗeele ɗiɗi ɗee e gollondiral faggudu haa teeŋti e ɗanle golle senegalnaaɓe to Españ. Jantoore Olel TALL
Prélude link
