Hannde neɗɗanke faamii wonnde, ɓamtaare waawaa laataade e hoore leydi ndin, si tawii o waylaani noone no o wuuriri e dow mayri. Ngam yo o waawu foolude mbayliigu weeyo, caɗeele taariindi, nguleendi e kokke, ko maa o wayla noone ngurdam makko. Awa ko wiide wonnde neɗɗanke no humii e hunndaari mum sabu ko e mayri o ittata kala ko o wuuri. Tedduɓe on bi’aama bisimilla mon e Kiwal Taarindi. Hannde toɓɓere men yowitii. E oo ɗoo taskaram en yewtay ko faati e battane mbayliigu weeyo e ɗannagol e nder Afrik. Hannde oo do saha, yoga e nder ɗee leyɗeele, mayliigu weeyo no addini caɗeele tiiɗuɗe, yimɓe hoɗuɓe e majje. Holko ɗum waawi battinde e ngurɗam durooɓe, awooɓe walla kadi marooɓe? Ngam yewtude e dow ndee toɓɓere en bismoto Aamadu Bukari, malinaajo ardinooɗo eɓɓoore « Unesco » no wi’ee Yaaral Deggal, ko ko yowitii e lummbugol daabeeji ɗin e nder Sahel. Kono kadi en heɗoto Koolaaɗo Kuuɓal Fedde ngenndiire Awooɓe Nuwaadibu hono Mohammed Faadel Wuld Mohamed Suweyla. Ko adii ɗum en keɗoto jantoore Muusa Umaar Barri. O yewtidii e woɓɓe e durooɓe e remooɓe ko faati e sababuuji ɗannagol maɓɓe. En njoofniray yewtere nden e Hinndu Umaru Ibrahim debbo pullo jeyaaɗo e mboororo’en jeyaaɗo Caad, Ko o haɓoowo mbayliigu weeyo e nguleeki e ardiiɗo « Afpat » fedde renndinde rewɓe lesdi Caad.
[natal yeru] © FEISAL OMAR/REUTERS
Hiɗon waawi tawtoreede e oo taskaram ka tonngoode O.K. WhatsApp: 00221766441276.Oɗon waawi kadi yiitude taskaramji O.K. fof e dow kelle O.K. Facebook e Twitter: RFI FULFULDE. Heɗoɗee men ka applikasiyon “PURE RADIO”.