Talaata Hannde 7 lewru 10ɓuru hitaande, woni ɗuuɓi ɗiɗi caggal ko nde fedde Hamas waɗnoo njanngu e dow Israel. Ɗum wonnoo ko ñande 7 lewru 10ɓuru hitaande 2023. Fedde Hamas warii fodde yimɓe ujunere e teemede ɗiɗo, ɓe nanngi yimɓe teemede ɗiɗo e capanɗe njoyo e goo. Ko nguun njanngu saabi hare waɗoore to Gaza haa jooni. Gila ndeen konuŋkooɓe Israyelnaaɓe mbarii Palestinaabe 67 000, fodde miliyonji ɗiɗi neɗɗo, ngalaa galleeji, ina ngonndi kadi e heege. Jeewte puɗɗiiɗe hanki hakkunde imminaaɓe Israel e Hamas, to Egypte, njoofi ko e hoolaare heewde e ɗaminaare jam. Dawlaaji Dentuɗi Amerik ina ɗaminii maa ɗee jeewte ndartin hare ndee to Gaza, tawi ko geɗe teeŋtuɗe ko wayi no yaltude Israel e nokku hee e ittude kaɓorɗe Hamas, woni ko ɓuri teeŋtude e jeewte maɓɓe.
Abdullaay Jallo
Avènement link
