Mali, ko hannde timmi lebbi noogas e go’o ko Opportun Mamadou Dembele sokaa. O janngini to ɗuɗal jaaɓi haattirde e kaɓatooɗo ngeenaari mbonndi ina tuuma sappaade hooreejo laamu faddewu nguu, Jeneral Assimi Goita e nder hito ngoo ɓayyinaago kono hollitaa wona kanko. Gila ndeen homo soka ko aldaa daliilu. E ndee altinere noogas e joyi lewru nduu ngonɗen, haralleeɓe fedde ONU noddii ardiiɓe Mali nde ngoppitta o gorko no yaawi ko aldaa e fawre, ɓe teddina yamiroore waɗanoonde ñannde sappo e jeeɗiɗi lewru naya ɓuru faltiindu ndu, e ndee yamiroore, gardiiɗo suudu ñaawoore boneeji waɗaaɗi e dow internet anndini wonnde tuume pawaaɗe e dow Clement Dembele njonaani daliilu. Keɗoɗen o rendoyanke mo leydi Perou, Eduardo Gonzalez, karallo bellitiiɗo ko arta e alhaali hakkeeji aadee e nder Mali.
Faandu hala Amelie Tulet
Primeur link
