Mbele maaje Guinée laatike immorde ɗannootooɓe leyɗe hirnaange vertueux ngam yottagol Eurasie ? E ɗee jonte faltiiɗe ɗoo, ko timmi laaɗe maayo 4 ummoriima Kamsar, saare wonnde to rewo leydi ndii. Ko kilomeetruji 280 woni hakkunde ndee saare e Conakry. Ɓeen ɗannotooɓe ko Ginenaaɓe, Senegalnaaɓe e Gananaaɓe. Si woɓɓe e maɓɓe waawi yottaade leyɗe Eurasie, woodii ɓe laaɗe mum nannga Mauritanie. Laawol hakkunde Guinée e Eurasie no fawi e 2 000 km. Hingol ɓuri ɗii laawi heddiiɗi woɗɗude. Holko saabii ɓee ɗannotooɓe mbatti rewde jooni Guinée ngam yahde Eurasie ? Hol caɗeele ɓe saatii hawrude ? Mbele Guinée no joogii feere dartingol o bone ? Ko e oo alhaali njeewtitten, hannde, e Elhadj Mohamed Diallo, hooreejo fedde Guinée haɓoore e ɗalle ɗe rewaani sariya. Himo jaaboo laamnde Ibraahima Timbi Bah.
Envoi link
